guete tag :D

wederemal esch d'ziit riif för en neue blogitrag. (eigentlich scho überrif, aber das übergömer da mal geflissentilich^^)
zum oich be luune z'halte gits au ganz velli tolli föteli :D
zerst echli alltagsidrück,dass ehr oich s'ganze chli chönd vorstelle...

das esch mis normale zmorge, brot(gschnitte uf dere schlaue brot-schnid-ablag), butter, gonfi und brun ost(mer bemerki di amächelig bruni farb vom chäs^^ und speziell esch au de chäs schnider.)

bus

min professionelle yfu uswiis:P

monetscharte

bibliothek charte, seehr nützlich! wel d'bibliothek so zentral gläge esch gangi rächt vell ga film uslehne.

ungwohnt aber au guet: pizza häd immer hackfleisch druffe (ich weiss, soo interessant:P)

d'handball halle

dadezue muesi säge dass di ganz handball sach na immer sehr verworre esch, han na keis chraftruum abo, d'teams werded ewie neu underteilt... ich hoffe uf schnälli besserig :)

was sich sost so in letschter ziit ereigned häd *nachdenk* ah, gester beni ufen kafi ide stadt gsi, und es sind ballön verteilt worde:

geniali konstruktion zum zetteli vor füechtigkeit z'beschütze

und da flügt er..

und flügt...

des weiteren send ich und d'aleksandra letscht fritig zonre party iglade gsi. s'ganze häd ned so klappet wels in tromsø aschinend en strass 2mal git. heisst mer sind zerst as falsche ändi vode insle gfahre, busshaltestell zrugg fast ned gfunde, weder müesse id stadt zrug und mitemne andere bus ga... das alles i beständigem nieselräge und mit vellne lachafäll ;)
häd schlussendlich dezue gfüert dass mer mindestens 2h för de wäg brucht händ und öpe e halb stund ade party gha händ^^
d'pary sälber esch absolut mit enre schwizer homepartz z'verlgiche, ussert vlt dass d'meitli chli gar fest uftaklet sind.. wär jedefalls sicher lustig gsi ^^

aria

es netts bildli zwüschedure..


und letschte mo. ben ich heldehafterwiis di 10km zur schuel mitem velo gfahre. devo gha hani übelste muskelkater wo di ganz woche aduret häd :S
abgseh dadevo eschs aber en cooli erfahrig gsi :D wör eigentlich gern immer mitm velo id schuel, han aber angst vorm muskelkater *schäm*

min stundeplan: (s'früeste am morge esch 8.30, s'spötischte am abig esch 15.55 und die wisse balke sind immer 2h, nor zum oich s'druscho erliechter^^)

d'schuel im allgemeine esch ganz entspannt. franz, mathe und italienisch esch meega eifach. english esch ok,meistens schwätze. chemie esch grössteteils züg woni scho gha han. währedem norwegisch mit de normale klass chani mache wasi will(bruchs jewils zum tagebuech schribe).
de lehrer vo norwegian for beginners setzt uf d'technik "je usgfallnigers züg ich während de stund mache desto besser chönd d'schüeler sichs merke", esch rächt amüsant^^
a minre schuel häds 7 ustuschschüeler, fanni(finnland), nana(japan), pan(thailand), anna(deutschland), ole(deutschland) und aleksandra(polen). di letschte 2 sind au mit yfu.
randbemerkig: höt abig sind d'aleksandra und eri gastfamlie und mer zom ole hei iglade :)

soo, ich glaub das langet langsam, ich wönsch oich allne en gueti ziit und b
is zum nächste mal <3

ps: en interessante fakt ganz am schluss, händer gwösst dass de 8. januar "day of cleaning table" esch? jaja, mer lehrt im läbe immer dezue.. xD