na 3 mönet - en usblick und neui föteli vom bezaubernde tromsø

jetzt sends na genau 3 mönet bes ich reise. ich flüg am 28. juni vo tromsø uf berlin, det esch s'YES-camp (Young Europen Seminar) vo YFU för alli ustuschschüelerkei wo vo europa nach europa in ustusch sind, und am 3. juli gads vo berlin heizue.

kei ahnig was ich jetzt föres smile söll afüege, ich wör säge en gsundi mischig us: :D :'( o.0

ab und zue - wo z.b. en kollegin vo erne ferie ide schwiz verzellt häd, sie esch in davos gsi und häd en usflug nach züri gmacht (ich han grad die zug-stimm vor mer hört "nächster halt, zürich hauptbahnhof") und sie häd luxemburgerli gässe - packt mich sone gigantischi vorfreud.

und ab und zue - woni z.b. gester abig en meeeega tolle norweger pulli vo minre gastfamilie becho han -als norwege-gschänk wie sie gseit händ (send sie ned unglaublich toll??:D) - machts mich uh trurig dassi i ned allzu langer ziit das alles nöm werd ha.

früelig? ned in tromsø :P mängisch liggi de schnee bes im mai hani ghört^^

woni mit de aria ga laufe ben, scho länger her

das da esch en spark. mer stat hindedruf uf die kuve und tuet ageh. es git ernsthaft chind wo mit dem id schuel gönd xD

ich weiss ned öb das öberall so esch, aber jedefalls i oisem quartier gsänd alli briefchäste eso us, also ei box ghört zo jewils eim hus.



mini super monster-winterschue :P



mit dere wunderbare tasse schmöckt jede tee grad na vell besser :)

HAMLET



ich und d'evelina send ga hamlet luege.

 

ich han mich soo gymnasial und elitär gfühlt womers ga luege gange send^^ also es esch uf norwegisch gsi, und d'sprach imne shakespeare stück esch ja relativ aspruchsvoll. ich und d'evelina händ drum leider ned ganz alles verstande, aber s'esch trotzdem cool gsi :) da sost na en chline (30 sekündige) trailer :)

min neue norweger-pulli :D pullis mit genau dem muster heissed "mariusgenser", genser heisst pulli, also "marius-pulli". und das häd sin ursprung ergendwie det, dass d'mueter vo somne berüemte langläufer ehm sonen pulli gstrickt häd, und set dem esch de kult :P

minä rakastan fanni! :D

ich fend die chile soo schön!

Im fach "antikkes kultur" lehremer zur ziit grad chli basic-latin, han dänkt esch sicher amüsant z'gseh för die under oich wo latin chönd^^ ich has emel rächt erheiternd gfunde :P





kongsbakken (mini schuel)

pan & ich & tromsø

d'fanni und ich gönd jede di. am 8i am morge ine yoga  stund,  nachher gets ebe gratis zmorge, und, wie gester  ab und zue WAFFLE  :D (au wämer ned so unglaublich fähig gsi send und oisi chli abrännt send:P)

Winterferie

Am samstig, 3.märz am abig am 12i send ich, d'Unni, de Trygve und d'Solveig an bord vode Hurtigrute gange. Hurtigrute send schiff wo ade küste vo norwege entlang vo bergen(2.grössti stadt nach oslo) bes uf kirkenes fahred. Mer send aber nor vo Tromsø nach Svolvær gfahre.(uf de charte 7 stops under tromsø)



 mer send also samstig nacht und de ganzi sonntig dure gfahre, und am halbi 7ni am abig semer in svolvær acho. dänn semer ines pizza restaurant gange:)
d'reis esch natürlich wäg de wunderschöne landschaft scho toll gsi, aber wases na besser gmacht häd esch gsi, dasses riichlich ziit und glägeheit geh häd zom mit de gastfamilie schwätze, und sie na besser kännezlehre:)
föteli vode reis tromsø-svolvær:

de solveig und mini kabine

mer händ meega glück gha mitm wätter - traumhaft schön eschs gsi!

de tryge, min gastvater mues säge das esch ned grad s'beste föteli ever vo ehm, aber ich ben ned smart gnueg gsi zom mehreri mache.. ;)

vom mittagsbuffet

solveig & trygve (wedermal d'gianna di smarti fotografin wo ned bedacht häd, dass mer besser ned bilder vo öperem vorm fänster macht..) :P

svolvær esch s'grösste dorf uf de lofote(ca.10'000 iwohner). d'lofote send en inselgruppe, wo berüemt esch för eri schön natur und di blühendi fischerei-industrie. am mäntig semer uf de insle witer nach weste gfahre, dass ich d'natur gsehne. es esch leider chli bewölkt gsi, aber trotzdem beidruckend schön.

ussicht usm hotelzimmer am morge:)

zmorge:)





de berg heisst svolværgeita, also svolvær-geiss. charakteristisch esch die spalte womer da schön gseht, und min gastvater häd verzellt dasses velli get wo det drüber springed, so als abentür-adrenalinkick-weiss-ich-ned-was.





bild mit grausam schlächter qualität vom internet, wel ich dubbel keis bild vom hafe imne chline fischerdörfli gmacht gha han *ohrfeig*



vom mo. bes am di. hämer bede Tante Gunn(usgsproche Günn)  übernachted, sie wohnt irgendwo im nirgendwo zwösched de Lofote und Tromsø, mit wunderschöner natur rundume:)



ich han s'erste mal i mim läbe elch gseh :D mini gastfamilie häd verzellt, dass elch es zemlichs problem i dere gägend send, wels eifach uf d'strass laufed und dänn chonnts zo unfäll wo (selbstredend) gföhrlich för die wo im auto send und för d'elch.



die orangi gonfi esch gmacht us moltebær, die gets glaub nor in norwege(oder zumindist i nördliche gefilde), und esch mega fein mit somne keks z'ässe :) womer vode tante Gunn heizue gfahre send hämer na em Trygve sinre andere schwöster und erem ma es bsüechli abgstatted:)

besser spat als nie - wienachtsgschänk:D ich glaub ich duen ned alli einzeln erkläre,das wör jez z'lang ga ;) aber namel danke vell mal för alli:D takk for alle julegavene en gang til :D

eis vode coole gschänk vo minre gastfamilie: en sporttäsche - üssert praktisch,schön und robust :D

und da semer au scho am schluss vo dem post - danke förs läse, uf wiederseh und bes zum nächste mal :)