am 25.märz esch en ustuschschüeler vo russland, de aleksey, wo au in norwege im ustusch esch tromsø ga bsueche cho. sini gastmueter esch d'schwöster vo einere wo au a mini schuel gad und en gueti kollegin vode fanni(ustuschschüeleri us finnland) esch, maria heisst sie.
am samstig am 24.märz esch s'geburtstagsfest vode anna (ustuschschüeleri us dütschland) gsi, föteli dadevo send witerunde :) det häd d'fanni jedefalls gfrögt wer mitcho wet ufen sight-seeing tour mit ere, de maria und em aleksey, und ich ben mitgange:)
es esch dänn usecho dass de aleksey letscht jahr im früelig 3 mönet ide schwiz gläbt häd. gnauer gseit in züri, und er esch ufs gymnasium rämibüel gange. er häd gseit er liebt d'schwiz, und mer händ ois wehmüetig öber züri underhalte. er chonnt mich also sicher mal ga bsueche:D
es esch en uuh coole tag gsi, zerst semer mit enre gondelibahn zomne ussichtspunkt ufegfahre womer-be guetem wätter wohlbemerkt-über ganz tromsø überegseht.
bem abefahre häd sone russischi touristin zo erem sohn gseit "lueg mal die (d'fanni) ah, sie esch agleit wiene schlampe". de aleksey häds ois verzellt womer dänn usem gondeli dosse gsi send. und womer dänn a ere und erem sohn verbigfahre send hämer s'fänster abeglah, und de aleksey häd zo ere gseit "es esch sehr unhöflich vo ehne so öpis über mini fründin z'säge." hahaha, ehr hätted eres gsicht sölle gseh xD
dänn hämer welle d'Ice-cathedral ga aluege, aber die esch natürlich zue gsi... nachher hämer d'fanni heigfahre. sie wohnt in straumsbukta, das esch es munzigs dörfli wo öpe 45 min mitm auto vo tromsø ewegliit. ufm wäg dethi hämer eimal aghalte und send uf enre landzunge umegloffe zum d'natur und di herzige holzhüsli bewundere. per zuefall esch dänn au na grad d'hurtigrute (das schiff woni demit ide winterferie gsi ben) verbigfahre und mer händ em chönne zuewinke :D
bede fanni hämer ois na en chline snack gönnt - reste vode brännte crème und de pavlova, und uf de rückfahrt nach tromsø hämer ois öber gott&d'wält underhalte. das esch wörklich en glungene tag gsi!
 |
| im gondeli |
 |
| Maria, Ich und Aleksey |
 |
| Aleksey im versuech titanic nazstelle ^^ |
 |
| Ich und d'Fanni |
 |
| und namal :) |
 |
| d'ussicht womer normalerwis häd... |
 |
| Fanni und Maria |
 |
| ich han mer rägestiefel gchauft, üsserst praktisch :D und di roti täsche hani för 2 Fr. ufemne flomärt gchauft :D |
 |
| Ich und de Aleksey vor de Ice Cathedral |
 |
| uf norwegisch heisst sie Ishavskatedralen - Eismeerkatedrale |
 |
rentier... welcome to norway :D
|
 |
| en spaziergang im tromsøer früeligswätter :D |
 |
| ich han s'erste mal "bolle" bachet :D das send so brötli, schwerig z'beschribe wies genau schmöcket.jedefalls guet:) ich bach die dänn ganz vell wänni weder diheime ben :) |
 |
| Mini gastfamilie isst die immer mit butter und sucker - eifach göttlich! mer chan sie usserdem au guet min brunost und gonfi ässe :) |
 |
| hans nor grad imne lade gseh gha und gfonde das mues fotografiert werde^^ |
 |
| das esch en wunderbari schoggimilch |
Annas Geburtstagsfest
 |
| V.l. : Pavlova(Gianna), tolli Torte(Fanni), brännti crème(Gianna) |
 |
| s'geburtstagschind anna, ich und de yanick(ustuschschüeler vo kanada, vom französischsprächende teil,. er esch erst im januar dahi cho und blibt nor es halbs jahr. ben voll stolz uf mich, mer reded emmer französisch zäme:D) |
 |
| Ich und d'Pan (Thailand) |
 |
| Yanick, Ich und Loreto (Chile) |
 |
| Ich und d'Evelina. sie esch im herbst vo litaue da anezoge zo erem vater und sie blibt in norwege sicher bes sie fertig studiert häd. fends voll cool, sie wet dirigentin studiere! |
 |
| Ich und d'Fanni |
Keine Kommentare:
Kommentar veröffentlichen